<?xml version="1.0" encoding="UTF-8"?><song><hymn_number>280</hymn_number>
<title>Ry Tompom-boninahitra FFPM280</title>
<lyrics>[V1]
 Ry Tompom-boninahitra,
 Jereonao izao
 Ireto izay milahatra
 Ho tena irakao ;
 Ny fanasana fatratra
 Omaninao izao,
 Ilà-mpitondra hafatra
 Hamory izay hankao.

[V2]
 Hitety sampan-dàlana
 Sy vohitra izahay
 Hanetra fisakanana
 Sy ady mahamay ;
 Ka aoka hotafiana
 Ny fiadianao,
 Fa tena fanafihana
 Izay hatao izao.

[V3]
 O, ry Fanahy Masina,
 Monena aminay !
 Ka aoka ho fanasina
 Tokoa izahay,
 Fihino tsy hihemotra,
 Ataovy irakao
 Manefa zava-tsarotra
 Ho voninahitrao.

[V4]
 Ry Tompom-boninahitra,
 Ny voninahitrao
 No aoka mba hitaratra
 An-tavanay izao,
 Ka raha ao an-danitra
 Fonena-masinao,
 Dia mainka vao hamiratra
 Ho voninahitrao.</lyrics>
<author>G.W. Fink</author>
</song>